 | | |
| | |
|
Spaces home  Ness's WorldPhotosProfileFriendsMore |  Tools   |
|
Ness's WorldWelcome to Ness's World
August 12 日 本 新 型 抑 鬱 症，下 班 即 癒今日，係蘋果日報睇到以下一則新聞．．．
返 工 一 條 蟲 ， 放 工 一 條 龍 ， 除 了 是 懶 人 特 質 ， 也 可 能 是 抑 鬱 症 病 徵 。 日 本 傳 媒 報 道 ， 當 地 正 流 行 一 種 「 新 型 」 抑 鬱 症 ， 患 者 會 在 工 作 時 抑 鬱 ， 但 下 班 後 會 精 神 飽 滿 。 由 於 求 診 患 者 眾 多 ， 令 當 地 醫 務 所 爆 滿 ， 有 人 要 輪 候 三 個 月 才 看 到 醫 生 。
一 般 抑 鬱 症 患 者 ， 大 多 是 性 格 認 真 的 完 美 主 義 者 ， 一 旦 達 不 到 要 求 ， 會 過 份 自 責 ， 甚 至 自 殺 。 但 自 去 年 起 ， 日 本 患 上 「 新 型 」 抑 鬱 症 的 個 案 大 增 ， 患 者 只 在 工 作 時 暮 氣 沉 沉 ， 但 假 日 或 下 班 後 又 回 復 活 躍 狀 態 ， 請 假 時 也 不 會 記 得 任 何 公 司 或 同 事 的 困 擾 ， 令 人 嘖 嘖 稱 奇 。 《 朝 日 新 聞 》 報 道 ， 日 本 精 神 科 診 所 最 近 排 長 龍 ， 與 此 症 患 者 上 升 有 關 ， 他 們 大 多 處 於 20 至 30 歲 壯 年 ， 佔 了 求 診 者 四 成 。 工 作 暮 氣 沉 沉 都 是 抑 鬱 病 ？ 那 麼 很 多 上 班 族 可 能 都 要 看 精 神 病 醫 生 。 睇完後，覺得搞笑之外，亦有諗下自己．．．我都是一個”性格認真，但唔知係唔係完美主義者”，我的確會”一旦達不到要求，就會自責，甚至自殺”．．．that's why我有抑鬱症囉！！哈哈！！
August 02 問題又出現了！！呢２日，因工作關係，都繼續同 PEGGY MSN聯絡，但係．．．我好似做錯左野，令佢麻煩同有Ｄ嬲，我好擔心呀！
請我做呢個位，就係等有時 PEGGY唔係公司，我可以做到佢Ｄ野，協助佢，所以一定要同佢夾；但呢２日，我都做左Ｄ野煩到佢，令佢嬲，又令我要考慮果個問題喇－－自己係咪可以做得到呢份工呢？
我對呢份工，越做越開心，開始發掘到Ｄ樂趣，但偏偏係呢個時間，同 PEGGY夾唔到，有Ｄ失望，亦有Ｄ驚．．．我唔想咁快又要放棄呢份工呀！但如果同 PEGGY唔夾，就算其他做得幾好都冇用，唉．．．點算好呢？？ July 28 炎熱的天氣 Vs 複雜的心情呢２個星期，天氣酷熱，真係邊到都唔想去；但星期五早上，要返青山覆診；星期六，又同 Calis去左書展。總結．．．溶左！！
星期五早上，我已經好醒目，預備多一件衫換。約左９：００覆診，我９：４５就走得喇，於是去兆康撘巴士返公司；頂，果時只係１０點多ｄ，我係巴士上聞到自己陣汗味．．．邊有女仔咁架．．．唉，好失禮。一返到公司，即刻換衫。
星期六，同 Calis去左書展。本來我都ｏｋ，冇乜出汗；頂，當去到會展時，人好多，條人龍又兜到好遠，結果．．．都溶左；好彩之前冇流過汗咋，如果唔係又成陣汗味喇！！
到夜晚，返到屋企慣常上網啦。一開ＭＳＮ，見到忠個 blog，知道佢屋企發生左事，於是問下佢啦；同佢傾左好耐，知道佢好自責，好內疚，但其實都唔關佢事，無論佢做ｄ乜，件事都會發生，於是，我一直同佢傾偈，希望佢可以釋懷。雖然星期六果日我係好攰好攰，但我真係唔敢留低佢一個，而且第二日又放假，所以唔理。好彩，到最後佢係ＭＳＮ到”表現”到冇事，我先敢瞓。
作為一個曾經有過感情既朋友，我真係好希望幫到佢渡過呢個時刻，但．．．我可以做既又唔多，只可以將我有既時間俾左佢，陪下佢，開解下佢，冇喇．．．唯有．．．為佢祈禱！！ July 23 時間多到唔知點用的日子今日，好鬼熱，就連尋日”大暑”都冇今日咁熱！
呢幾日都唔太忙，主要快快趣趣執埋個辦房，一了百了，因此．．．呢幾日我都好知時候要返過 office果邊執野放工。而今日，一去到巴士站就見到架巴士埋左站，即刻飛奔上車，果時只係６：１０。
媽咪今日冇煮飯，於是我去Ｍ叔叔到食當 dinner，落車時望下電話，嘩～～～６：３５咋！！！天呀！！！咁早就返到天水圍，有咩好做呢？食完Ｍ叔叔都只係７：１０，有諗過去游水，但７：４５先有得游，要等３５分鐘，唔想等，而且今日又幾攰（LUNCH後都瞓左陣），所以索性返屋企算。
之前已經同 DESMOND &忠傾過電話，又諗住早Ｄ上ＭＳＮ同下Ｄ朋友傾偈，但．．．我實在太早喇，傾開Ｄ朋友未上黎呀！可憐！於是寫BLOG，記低今日有幾咁．．．得閒，幾咁．．．多時間！！ July 07 終於見到老細喇！返左差唔多一個月新工，今日終於見到老細喇！
由於周生（老細）已移民左去加拿大，佢又處理加拿大分公司既事，每２、３個月先會返黎ＨＫ一次。而今日，就係佢返黎既第一日喇！唉！周生今日第一日返黎，我就遲到左幾分鐘，真大吉利是！
一返到公司，就見佢地已經開緊會，我唯有自己做自己野先。到 11:00，佢地仲開緊，所以繼續做自己野。到 11:XX，佢地終於開完喇，但都唔係好見到周生個樣；過左一陣，PEGGY叫我跟佢去辦房，我以為佢吩咐我做咩啦，原來係介紹我俾周生識，我終於見到佢真人喇！佢仲叫我坐低一齊傾下添（仲有黃小姐同 PEGGY係到）。
唔．．．周生真人當然同我想像既唔同，真人．．．唔似係做生意既，應該咁講，佢唔似一個生意人，個樣好忠厚，好爸爸 feel，亦都冇惡老細樣。佢有問我做成點，我話都ｏｋ啦，不過有ｄ野仲未好熟，例如認顏色啦．．．我只係咁講，佢就諗到我有色盲，搞笑。之後，佢地講緊出去做 overseas exhibition既事，突然問我攞咩護照，我話ＢＮＯ啦，佢叫我快Ｄ換做特區喎，話ＢＮＯ而家唔係咁好用喎。佢地講到已經 confirm左會做 overseas exhibition咁，唔知點解我反而有ｄ驚～～其實我好恨出 trip，但．．．好似太快喇，我都未過 probation，佢地都未知我做成點啦，點解好似咁肯定要我出 trip呢？？不過．．．９月又會有個 fair，做完呢個 fair之後先再算啦，始終而家言之尚早！之後，周生都話我係同 PEGGY夾，我會跟 PEGGY Ｄ野，叫我俾心機做，我地２個夾到就ＯＫ啦！
冇幾耐，周生就走左 lu，不知不覺就走左，而我．．．都繼續做我今日既工作喇！！ July 01 東莞．工廠．一日遊尋日６月３０日，我終於係黃小姐、PEGGY、阿文同娜姐既帶領下一齊去東莞工廠參觀喇！
總括黎講，唔算太興奮，亦冇咩特別既感覺，只覺得自己見識多左，對呢個社會了解多左，對人造手飾呢行、對製造業既認識多左，始終，我而家份工同我以前返既工係好唔同，以前做既係 service industry，而家要接觸到原材料呀、生產過程等，可以話覺得好新奇！
黃小姐同 PEGGY有做完佢地Ｄ野之後，帶我四圍參觀，解釋每一個工序俾我聽，由造模造胚開始，磨光．．．．（唔記得Ｄ術語），去到鑲石、焗乾、包裝，每個步驟我都”知道”喇！我先知道原來我公司差唔多自己做哂，自給自足，甚至去到餐車，都係由自己工廠造出黎；當然，買原材料就唔係自己做啦，不過都要自己周圍去搵囉；另外，電鍍都唔係自己做既，係俾人做。睇完成個生產過程後，對於自己平時做既野都明白好多 lu！
當然，今次去東莞唔係為左我而上啦，而係最近出現左好多問題，周生（老闆）鬧過好多次，於是黃小姐同 PEGGY上去了解下同搵解決方法，加上周生下星期返黎，所以要去東莞”準備”下。而我就係佢地傾呢Ｄ問題時，都”偷”左好多野，知道好多有關石既知識、厚薄、切割、顏色、鑲石既方法、鑽洞既方法同位置、溫度對石既影響、金屬、電鍍等好多好多．．．我見佢地個個都好專業架！我先開始知道，原來我一直以為我要識既野，只係冰山一小角，我仲有好多野要學架！好似．．．幾好玩咁！
除此，當冇乜野做時，黃小姐、PEGGY同我坐左係到傾偈，傾傾下又講到將來出 trip既事；黃小姐話如果出 trip，多數會去ＵＫ，因為我地既客主要係歐洲，尤其係ＵＫ，而且講英文我地會方便好多。佢講得好肯定架，我聽到當然開心啦，唔洗自己錢去歐洲喎！！！但十劃都未一撇，我唔想俾自己希望住，平常心Ｄ會好Ｄ。但我會為左呢個目的，努力咁學，努力咁做，希望有一日我真係可以去到歐洲！！ June 21 Expo第二天今日雖然係星期六，慣常既我係會一放工就返屋企瞓覺，但今日珠寶展，所以我都要去幫手。唔同既係，今次係同 Iris一齊出發去 Expo。
係去 Expo既途中，同 Iris傾左好多野，知道好多公司既運作，石既分別等等，而其中最令我感興趣或在意既係，香港既時尚手飾展可能由３個 cut到得番２個，另外，由於而家我地係 Expo做展覽，唔會再係會展做，可能係咁，人流唔多；基於以上２個原因，公司可能會選擇做海外展覽，如果落實，我就要出 trip lu！不過．．．而家都只係構思中，而且我又未過 probation，今日唔知聽日事啦！
另外，由於７月尾至９月，Pegge會返 Canada幫周生手做展覽，所以，佢地都想我快ｄ可以跟到公司ｄ野，咁到時 Peggy唔係ＨＫ時，我都可以幫佢。聽到後，有ｄ驚架，因為果ｄ係 direct客黎，若做得唔好就麻煩啦，而且，我始終都未係好清楚成個過程係點，所以．．．有ｄ驚；但 Iris叫我唔洗擔心，佢地會幫我，最緊要我一有唔識就要問（下星期五，佢地會帶埋我去東莞工廠到了解成個過程，到時就會好ｄ喎！）
唔知點解，今次呢份工，我冇咩特別感覺，冇話好想做，或者唔鍾意，以前唔會咁，通常做左幾日就知道自己係咪鍾意呢份工，會以咩心情面對，但今次冇任何感覺，當然，亦唔係唔想做或唔鍾意或冇興建，可能．．．我係呢行仲係新，根本都未知自己做緊乜，而家都仲係學緊野既階段同態度；都好既，對自己對公司都好ｄ，大家都係摸索緊對方，睇下究竟適唔適合，唔好又好似之前發生既事咁，免得大家都麻煩。
希望藉住今次既展覽同下星期返工廠了解過之後，可以有條明顯少少既路走左出黎就好喇！
June 20 Fashion Jewellery & Accessories Fair今日係每四個月一次既 Fashion Jewellery & Accessories Fair，係我第一次以參展商身份去幫公司手，又可以學下野，又可以見識下！
其實都冇乜野做，最主要係搵多ｄ overseas既客人，所以一有人埋黎睇就要俾公司資料同卡片ｄ客人，最好都問佢地攞番張卡片啦！但由於我新，又未熟悉公司ｄ products，所以．．．都只係行行企企，派下 brochure同卡片，最多最多就招呼客人同答下ｄ簡單問題咁；但其實最多時間係吹水同食野，哈！所以．．．一個字．．．悶（因為人流唔太多）！
但，又真係有ｄ得著既，學下睇人（睇下邊ｄ係真正既買家，邊ｄ係行家，邊ｄ係 overseas，邊ｄ係我地唔做既客）啦，見識到同行ｄ貨品、質素，當然有大公司，有細公司；有 local公司，又有overseas公司；又知道黎緊半年至一年興ｄ乜咁；又知道公司會同ｄ咩公司合作啦等等。以我一個新人黎講，真係好得意，就好似一個剛懂性既小朋友咁，對外面既世界好好奇，咩都想知，咩都想問，咩都想試，幾好玩吖！
今日去左一日，聽日就唔洗去，返公司做野，之後星期六日都要再去幫手，但 Calis話之後２日其實冇咩特別，黎睇既都只係閒人，因為真係有心做生意既人係唔會咁遲先去睇展覽，通常頭２日已經睇左，最多之後搵日再睇多一次（即係真係有生意傾果隻），所以之後２日都唔太忙，唉．．．咁我去果到做咩好呢？（答案：阿四）
June 13 我終於能夠擁有你喇~~呢２日，公司都冇乜野做，比較靜，PEGGY於是叫我執下Ｄ辦，因為．．．佢地積左好耐都未有執過（其實都係 filing啫－－強項）。但由朝執辦到放工，都好攰，搞到成個人都好攰。
而今日，就正如前幾日一樣，６：４５就返到天水圍，因為要過番錢俾阿忠，於是去左樂湖，而最近又心郁郁，想去睇下有冇 CLAMP套Ｘ租，於是就去左漫畫店喇！
去到，只係睇左２個架，就諗住走，因為有條肥仔挨住一個活動既架，搞到我根本冇得睇，於是就諗住走；當轉身正想走時，竟然俾我發現有”聖傳”喎，我之前搵過好多次都搵唔到，但今日我竟然見到成套書係到喎；於是，問老闆有冇得訂啦，點知．．．佢好爽快咁答我聽日有添喎，全新既，不過就唔知齊唔齊，如果唔齊，就要等喎！嘩．．．我開心到唔記得問價錢就落左 $200訂 lu！呢套書我想要左好耐好耐架喇，終於俾我搵到喇！好想快ｄ收到佢電話叫我攞書呀！ June 10 新工上班第一天終於返新工喇，今日懷住輕鬆心情，一早起身就返工喇！
今日一開始就學對版，um....都ＯＫ既，只要對下件貨辦同個客既要求對唔對，話就好易，但要好小心，好細心，好眼力，要搵到有冇做錯或者瑕疵，所以，好用神，結果，我對眼都好攰。過左一陣，剛好有 agent帶個客上黎睇貨，於是我又要跟埋去學野。係呢個過程，其實冇乜重要野要學（除左報價，遲ｄ我都可以／要報價俾客），但係陪個客睇貨時，發現原來有好多好多野要記架，要記 parts既名，石既顏色，款式，位置，我地做唔做到客人既要求咁，除左記性要好，仲要好清楚每件手飾既結構同造法，以便客人改款；呢ｄ野，全部都要即時答到客人架，um....有ｄ難度同挑戰。
到下午，因為有客人黎過，我就要學整草圖俾廠造辦。PEGGY（我既 partner）冇教我，只係俾左呢個客以前既資料我，同埋俾左ｄ圖紙我，叫我試下跟住做，好彩以前係 VICWOOD都係自學咁做野，雖然開始時我真係一頭霧水，唔知如何入手，但問一問 PEGGY之後，都ＯＫ喇，可以自己一個做到；就係咁，一直做到放工。我交左功課俾 PEGGY，但佢應該仲未得閒睇，所以都唔知做成點。
到放工時，嘩．．．奇境呀！全公司（其實只得７個同事，另外仲有Ｄ去左大陸）一齊走呀！公司係熄燈鎖門架！我真係未試過做一間公司，係真係一準時就收工到咁架！亦因為太準時收工喇，我返到天水圍都只係６：４０咋！哈！ June 06 抑鬱症的比喻＜有色眼鏡看世界＞
在抑鬱狀態下的人就好像整天帶著一對灰色的眼鏡看世界，所有事物都蒙上一層灰色。抑鬱時，思想好比走進死胡同，只會用一個角度去看事物，整天在「鑽牛角尖」非常執著，結果情緒愈來愈低落。
＜烏雲的比喻＞
抑鬱時的思想就好像烏雲密佈，你不單感到心情沉重，更會擔心大風雨是否即將來臨，甚至會害怕會否世界末日。這些杞人憂天的想法好像自然而生，愈想愈惡劣、複雜和可怕。有時明知是過份憂慮，杞人憂天的想法也沒法遏止。
＜井底的比喻＞
患上抑鬱症就好比跌進井底一樣，怎也不能跳出困局，自己想努力自救，也彷彿徒勞無功。親友們不斷吶喊叫你「振作一點」，或者叫你「不要胡思亂想」也未必奏效，甚至令你更沮喪。
現在你最需要的是有人拋下一條救命繩索，把你從這個井底拉上來。醫療人員對你只有一個簡單的要求：緊緊的握著這條救命繩索，不要放棄。 忙碌的假期尋日係 last day，新工又未返住，所以我有一個短暫既 vacation，而今日係第一日，但竟然好忙囉！
雖然係假期，但都要８點幾就起身，因為我今日要去青山醫院覆診同去屯門醫院睇專科。因為我安排既時間好緊湊，10:00去青山，10:30去屯門醫院，所以，我一早都預左要２邊走，係等攞藥既時間就去另一邊睇醫生，於是我係２間醫院中來回左４次。
青山果到，我講左最近既情況醫生知（我最近唔太穩定，比較反覆），醫生都開解我，叫我唔洗咁介懷；至於份新工，都可能對我好，因為去到另一個新環境，我唔會再因為自己做錯野而俾自己太大壓力，咁會可以做好ｄ。醫生本來想我早ｄ返去覆診，但佢知道我轉新工唔太方便請假，所以都准我７星期後先再返去，而藥．．．都要食番咁多。最好笑，我同醫生講呢段時間我都有想過自殺，但好快冇再諗，反而想讀神學，醫生聽到後好驚訝但笑，叫我諗清楚ｄ先喎，佢話可能係我唔開心先有咁既想法啫，反而叫我同神父修女傾多ｄ可能有幫助，哈！
至於骨科果邊，醫生睇過哂我ｄ片同報告，話我而家個情況唔太差，但又冇野可以做到，但一定唔贊成我做手術，因為反而對我ｄ神經線影響仲大；我有同醫生講過脊醫個 suggestion，但佢話原來骨科同脊醫係呢方面既意見同理解唔一樣，做法都唔同，如果脊醫果邊話有方法醫好我，我只可以搵番脊醫，係骨科黎講，佢地唔認為椎間盤突出係可以還原囉！而家，醫生話只係觀察住我先，痛時，就食止痛燒炎藥囉！如果我之後再有事，之後先再決定點樣做喎！
就係咁，等睇醫生，等攞藥，來來回回咁就度過左６個鐘喇！
LAST DAY !!終於到今日喇．．．我係 ProJOB21既 last day。因為係最後一次做 recept同要影相，今日好靚，阿 JO話我好 grand！！哈！！今日心情好靚架（本來），因為我要做既野都做哂，冇留低任何手尾俾佢地，仲有時間幫佢地執靚ｄ doc。
到 lunch時，因為上星期五 Heidi話同我 farewell，而後來佢因為做野而冇去到，佢今日補番，我地成個 dept除左 Wayne，加埋 Carmen，６個人一齊去蘭桂坊食泰國野，好好味架；最衰喉嚨發炎，唔可以食太多煎炸野，但都食左ｄｄ，仲飲左杯咸檸七添！
之後，返到公司，其實都冇咩野做，開始聊人影相！個個都有影架，除左 Angel，因為佢整親腳，要休息一個月，下次有機會就同佢傾下偈啦！到真係走喇，我向大家都講：咁多位，我走喇！平時講呢句都冇乜野，但今日呢一句，沉重左，有ｄ唔捨得．．．臨出門口時，Katie代表公司送左張卡俾我，係車上睇，都幾感動架。我好高興識到一班咁好既同事！你地對我，真係好好呀！多謝！
到夜晚，就發生左ｄ唔開心既事．．．一直我懷疑既事，原來係真架，真係發生左。點解你地唔可以係我角度諗下呢？點解你地一定認為自己講果套係正確呢？點解你地問都唔問我，就憑佢一面之詞而咁樣對我呢？１０年友情換黎既就係冷漠同離棄咩？你地真係認為：當全世界都認為係正確既時候，其他唔同意既人就一定係錯咩？
＊＊ 曾經，全世界人都以為地球係平, 但偏偏就有一個人坐船環繞地球一周，證明佢係圓。 ＊＊
June 04 Farewell～一二擊＜６月３日＞
阿 JO知我辭職後，約左ｄ同事一齊唱Ｋ同我 farewell，我地今晚又去老地方～銅鑼灣信和間 neway唱Ｋ。
今晚好開心，因為好耐都冇試過純純粹粹咁唱Ｋ．．．都唔係．．．上次同同事去都係純粹咁唱Ｋ；呢班同事好乖好純，唱Ｋ就唱Ｋ，唔飲酒，唔猜 ，有人唱歌時，其他人就食下野，傾下偈，講下笑，插下歌，大家都好開心。
今晚發生左好多好笑野；阿 Jo問Derek飲唔飲酒，Derek話唔飲，但２秒後 Derek話飲紅酒囉！我終於明白以前係東南時，阿蚊、Carmen & YOYO點解會俾我激死同笑死囉！之後，Connie唱緊佢鍾意既陳小春既”神呀！救救我吧”時，阿 Wayne係到揀緊歌時，按錯左 fast forward，我地已經笑，Connie想殺左佢，最搞笑係 Wayne唔知有呢ｄ制，唔識正常番喎．．．搞左一陣都ｏｋ啦！於是 Wayne又幫 Connie rewind番首歌，去番之前果到再唱，但我地已經笑死左，話要沒收個 remote，唔俾 Wayne再接觸。之後，又係 Connie唱緊歌時，又係阿 Wayne．．．今次佢按錯 pause制囉，佢又係唔小心囉，我地又笑到肚痛，於是 Derek即刻攞左個 remote走，唔再俾 Wayne掂到！！
時間過得好快，我地咁就唱左４個鐘 lu，最衰聽日要返工啦！！不過，都好開心，多謝咁多位！
＜５月３０日＞
我個 dept d同事先同我 farewell先，因為只有星期五，我地先可以成個 dept一齊 lunch。本應 Heidi都會去架，但佢臨時要見個 candidate，所以只得我、Katie、Wayne & Derek。佢地帶左我去蘭桂坊一間 pub到食 burger，好好味架！！我例牌食 fish burger，Derek同Wayne例牌食 lamb burger，而又好例牌咁，Derek又分我ｄ魚食囉！我地食得好開心，大家都講笑，好 friend咁，好多謝佢地對我咁好，到呢刻都冇嫌過我製造咁多麻煩俾佢地！！ June 02 揀左喇～～終於等到今日喇！我可以 in埋我想見果２間公司喇，同時又要答覆另一間公司我既決定啦！！
我聽 agent話，著左 suit去見工；今日心情都好緊張，亦好開心，想睇下一間做 diamond trading公司係點既。去到後，周圍望啦，但．．．根本望唔到ｄ乜，公司內部比較暗，比較秘密，間哂房，冇野好睇。後來我入左一間房等 in，間房都比較亂，周圍都有雜物；冇幾耐，有人黎喇，但唔係原先 agent所講係老細，而係另一個中國人。我地一開始就用英文溝通，之後用國語，最後用廣東話；in左２０分鐘就走 lu。
對於呢次既 interview，我唔係太滿意，答得唔太好，所以，我都唔諗會成功，於是決定連放工之後果份都唔見，接受荃灣果份好了！呢間都係做手飾，不過係人造手飾；我叫 Calis幫我起間公司個底，因為佢都識呢間公司，佢有接觸過；佢話間公司都唔錯，ｄ人都好 nice，我可以放心；到夜晚，我講佢知我公司係用 swarovski做 material，佢知道後，話我公司算係 mid-high既 fashion jewellery公司，話我會做得好開心喎，但願如此啦！！
既然一切已成定局，我都無謂再多心 lu，一心一意做好佢啦！
P.S. 阿JO（另一個 RECEPT)今日同我講，話佢都想辭職喎，因為佢都覺得公司既做法有Ｄ問題喎！我俾定心丸佢，同佢講佢可以做到公司要求果套，只要跟住去做，問題應該唔大。估唔到．．．曾經勸我留低，教我做人處事態度既人，教我要改變自己去適應公司既人，而家．．．竟然有同我一樣既感覺．．．咁係咪表示．．．問題真係唔在我身上呢？
|
|||||||||||||||||||||||||||||||||||||
|
|
Invite as friend